تذكّر يا سمير الليل
2022.05.09
علم عبد اللطيف- فينكس
تذكّر يا سمير الليل
أكتر
بلكي الذاكرة تجْبُر
مكسّر
وشيل الروح ع كفك
وداوي
كسور القلب جوّاتك
ت تِجْبَر
بعدو القلب عاشق حلم
غاوي
حلم ال رافقَك يمكن
ماقصّر
بعدو اليوم ع الصبوات
ناوي
وبعدو كتير متمني
يزهّر
وعارف بشبابو شو
يساوي
قال العمر يمكن صار
أقصر
وقال القلب مانسيتا
بلاوي
وقال الحلم بعدي اليوم
بِذْكُر
حواك القلب خلي القلب
حاوي
عذاب وشوق لو أنّو
تعثّر
وقول الحلم شفتو كان
راوي
حكاية عمر حلمو كان
أشقر
طفل زغير صوتو اليوم
داوي
لنص الدرب لاقيلو
تايكبر
ويعطي العمر من عندو
شقاوي
ويمكن لو تركتو اليوم
تخسر
ويمكن لو حضنتو
ب حفاوي
يبقى رْفيق ايامك
ويشكر
زمان اللي التقيتو
حلم واعد
وفيه تشيّعوا...
راحل معتّر.